Apotekteknikar (yrkeskompetanse)

Apotekteknikaren driv utstrekt rådgiving overfor kundar, pasientar og anna helsepersonell i tillegg til sal og service. Sentrale arbeidsområde er

• rettleiing om og sal av reseptpliktige lækjemiddel og hjelpemiddel, droger, naturlækjemiddel og reseptfrie lækjemiddel og handelsvarer
• medansvar for sjølvvalsavdelinga i apotek
• kunde- og pasientkontakt
• logistikk og plassering av varer
• aktiv forsyning til sjukehuspostar
• kontortekniske oppgåver og rekneskap

Apotekteknikaren må kunne planleggje, gjennomføre, vurdere og lære av eige og andre sitt arbeid. Arbeidet må utførast i tråd med etiske retningsliner. Yrket er i stor grad prega av sjølvstende, men evna til å arbeide i eit fellesskap er svært viktig. Du må kunne yte god service overfor kundar, og du bør ha evne til å komme i kontakt med menneske.

For å kunne bruke yrkestittelenapotekteknikar må du ha autorisasjon frå Helsedirektoratet.