Helse- og oppvekstfag

Helsesekretæren er ofte den som møter pasienten først når han/ho kjem til behandlingsstaden. Sentrale arbeidsområde er

• mottak av pasientar
• laboratoriearbeid og skiftestovearbeid
• kontortekniske oppgåver og bruk av pasientadministrative IKT-system
• registrering av takstar og diagnosar
• kvalitetssikring og prosedyrar
• vurdering av akutthjelp både over telefon og i ekspedisjon

Helsesekretæren arbeider sjølvstendig innanfor området sitt. Det blir stilt store krav til service, effektivitet og nøyaktigheit. Det blir kravd evne og vilje til samarbeid med andre profesjonar. Du bør kunne vise omsorg, toleranse, respekt og engasjement i mellommenneskelege forhold. Omstillingsevne, språk- og kulturkunnskapar er òg viktig.

For å kunne bruke yrkestittelen helsesekretær må du ha autorisasjon frå Helsedirektoratet.