Avionikar (fagbrev)

Avionikaren skal planleggje, gjennomføre, vurdere og dokumentere service, vedlikehald og testing av elektriske, elektroniske og digitale komponentar som er utmonterte av luftfartøyet, og elektriske og elektroniske system i luftfartøyet. Sentrale arbeidsområde er

• planlegging og utføring av inspeksjon, feilsøking, service, justering, demontering, montering, sprekkontroll, reparasjon, låsing, sikring, modifikasjon, funksjonstesting, pakking, kontroll og konservering
• bruk og vedlikehald av nødvendig bakkeutstyr
• vurdering og dokumentasjon av eige og andre sitt arbeid og rapportering og oppfølging av feil og avvik
• samarbeid, rettleiing og læring
• val, bruk og vedlikehald av nødvendig verktøy og test- og måleutstyr

Fordi arbeidsoppgåvene skal utførast både sjølvstendig og i grupper, må du ha gode evner til samarbeid og kommunikasjon. Det er også viktig å ha gode haldningar og innsikt i mellommenneskelege faktorar. Du må ha teknisk innsikt, vere ansvarsbevisst, analytisk og nøyaktig.

For å arbeide innanfor sikringssonene på norske flyplassar blir det stilt krav om utvida vandelsattest (uttømmande politiattest).