Treduojár (fagbrev)

Ein treduojár arbeider i mindre handverksbedrifter og verkstader. Det kan vere kunsthandverks-, husflids- eller brukskunstbedrifter.

Ein treduojár produserer, reparerer og vedlikeheld tradisjonelle og nye produkt i tre, never og røter, for eksempel sledar, elvebåtar, komser, seletøy, auser, trekoppar og -kar (guksi ja náhppi) og gjenstandar for oppbevaring. Treduojáren utviklar også nye produkt i eit urfolksperspektiv.

Sentrale arbeidsområde er

• framstilling av duodjiprodukt av rikular, never, bork, røter og sjølve treet
• kunnskapar om tradisjonelle og nye produkt og produksjonsprosessar
• utvikling av handverksferdigheiter og materiallære
• innhenting, tørking og lagring av trematerial
• overflatebehandling og bearbeiding av trematerial under produksjon
• reparasjon og vedlikehald av duodjiprodukt
• laging og vedlikehald av enkle handverktøy
  
• skisse- og detaljteikning
• formgiving og materialvalg
• økonomi og forretningsutvikling
  
• utrekning av kostnader, pris og lønnsemd
• marknadsføring, sal og kundebehandling

Du bør ha godt handlag og god formsans.