Møbelsnikkar (sveinebrev)

Møbelsnikkaren arbeider med produksjon av møblar, trevarer og innreiingar av tre og trebaserte materiale, frå teikning til ferdig produkt. Sentrale arbeidsområde er

• planlegging av produksjonen og kostnadskalkulasjon
• bruk og vedlikehald av stasjonære snikkarmaskiner og handverktøy
• val av materiale, bearbeiding og samansetjing
• utføring av mekaniske forbindingsmetodar som sinking, grading og tapping, men òg moderne teknikkar
• finerarbeid, arbeid med plastlaminat og andre pålimbare overflatebelegg og liming, laminering og overflatebehandling med rette middel og metodar
• tilpassing for og montering av låsar, beslag og anna utstyr
• design, teikning og konstruksjon for hand og ved hjelp av dataverktøy

Du må vere kreativ, ha praktisk handlag og estetisk sans.