Salmakar (sveinebrev)

Salmakaren arbeider ofte med spesialoppdrag som gjeld produksjon, restaurering og reparasjon av gjenstandar og utstyr der lêr og tekstilar er hovudelementa.

For bilsalmakaren er sentrale arbeidsområde

• omstopping og nystopping/polstring av alle typar bilsete og interiør
• tilskjering og saum av puter og lause trekk
• restaurering av veteranbilar
• rådgiving ved val av materiale og arbeidsmetodar for produksjon av bilinteriør

For porteføljesalmakaren er sentrale arbeidsområde

• produksjon av dokumentmapper, vesker og lommebøker av lêr og skinn
• reparasjon og restaurering av gamle og nye handsydde produkt i lêr og tekstil
• rådgiving og praktisk medverknad i utviklinga av nye produkt på porteføljeområdet

For hestesalmakaren/seletøymakaren er sentrale arbeidsområde

• produksjon av seletøy og anna hesteutstyr av skinn, lêr og metallspenner
• reparasjon av alle typar hesteutstyr av lêr
• omstopping og tilpassing av ridesalar

Du bør ha godt handlag, vere nøyaktig, ha formsans og praktisk sans.