Møbeltapetserar (sveinebrev)

I dag arbeider møbeltapetseraren for det meste med spesialoppdrag som restaurering av stilmøblar, produksjon av nye møbeltypar og omtrekking av nyare, industriframstilte møblar, noko som stiller store krav til formsansen. Sentrale arbeidsområde er

• omstopping og nystopping/polstring av alle typar møblar
• tilskjering og saum av puter og lause trekk
• råd og rettleiing ved restaurering av handverksmøblar og antikke møblar
• råd ved val av tekstilar/skinn med omsyn til kvalitet og bruksområde
• vurdering av arbeid og prisoverslag
• utforming av fullstendige arbeidsteikningar og arbeid etter slike

Du må ha god form- og fargesans. I tillegg må du vere nøyaktig og ha godt handlag og praktisk sans.