Kostymesyar (sveinebrev)

Kostymesyaren produserer eit ferdig kostyme ut frå ein design. Sentrale arbeidsområde er

• samarbeid med designaren
• materialkunnskap – tekstileigenskapar og bruksområde
• kunnskap om drakthistorie
• konstruksjon, forming og modellering av mønster til kostyme
• saum og andre teknikkar til framstilling av kostyme
• bruk av maskiner og verktøy
• innprøving og tilpassing av kostyme
• tilpassing av kostyme i den visuelle utforminga av produksjonen
• planlegging, gjennomføring, dokumentasjon og kvalitetssikring av arbeidet
• nytenking og utvikling av faget

Det er viktig at kostymesyaren er fantasifull, kreativ og har god form- og fargesans.