Herreskreddar (sveinebrev)

Herreskreddaren designar og syr klede. Avhengig av kvar bedrifta er lokalisert, blir det framstilt ulike typar klede som er tilpassa forskjellige funksjonar, personar og marknader. Sentrale arbeidsområde er

• design, måltaking, mønsterforming og tilpassing av klede
• framstilling av plagg med god balanse og passform eller tilrettelegging for det
• bruk av ymse maskiner og utstyr og verktøy/presseutstyr
• bruk av IKT og digitale hjelpemiddel som er tilpassa faget
• vurdering og val av materiale
• kundekontakt og rettleiing

Du må vere kreativ, ha formsans, fargesans og godt handlag. I tillegg må du vere serviceinnstilt og ha kontaktskapande evner.