Keramikar (sveinebrev)

Keramikaren utviklar, produserer og sel keramikk med utgangspunkt i kundebehov, tradisjonar, motar og trendar, retningslinjer og forskrifter som gjeld helse, miljø og sikkerheit, og eigen kreativitet/eiga skaparevne. Sentrale arbeidsområde er

• idé-, design- og produktutvikling
• klargjering av leire, dekor og glasurar og reingjering av utstyr og verkstad
• forming av gjenstandar med forskjellige teknikkar
• dekorering, glasering og brenning, etterbehandling, utstilling, pakking og sending
• kunde- og leverandørsamarbeid, rettleiing, informasjon og undervisning
• sal og marknadsføring av varer og tenester, drift av verksemda og nettverksbygging

Du må like fysisk og sølete arbeid. Du må vere fingernæm, nøyaktig og kreativ, ha form- og fargesans, vere uthaldande og praktisk. Du bør vere kunderetta og kunne yte god service.