Studiespesialisering passar for deg som liker å arbeida med teoretiske fag, og som vil halda mange moglegheiter opne for vidare utdanning. På Vg1 har du fellesfag som norsk, engelsk, matematikk, naturfag, samfunnskunnskap, geografi, framandspråk og kroppsøving. Du bør vera interessert i å lesa, skriva, rekna, diskutera og jobba strukturert med fag. På Vg2 vel du mellom realfag eller språk, samfunnsfag og økonomi. Med studiespesialisering kan du søkja høgare utdanning og utdanna deg til mange ulike yrke, til dømes innan helse, jus, økonomi, teknologi, skule eller forsking.