Elektro og datateknologi

Sentrale arbeidsområde for telekommunikasjonsmontørfaget er planlegging, utbygging, installasjon og drift av anlegg for offentlege og private telenett, kabel-TV-nett, datanett og anlegg for overføring av radio- og satellittsamband, og installasjon av utstyr og tenester som er knytte til nettverka. Faget kan delast inn i desse områda:

Utbygging og drift av mellom anna

• telekabelanlegg, kopar-, fiber- og hybridkablar
• telefonsentralar
• alarm- og sikkerheitsanlegg
• Installasjon og drift av
• breibandstenester, digitale og analoge tenester i offentlege og private telenett
• lokale datanett (som LAN, WLAN og WIFI)
• alarm-, sikkerheits- og styringssystem

Arbeidsoppgåvene til ein telekommunikasjonsmontør krev sjølvstendig, heilskapleg tenking og evne til å samarbeide tverrfagleg. Du bør ha normalt fargesyn og evne og vilje til å arbeide i store høgder. Du bør òg kunne yte god service.