Handverk, design og produktutvikling

Ein horn-, bein- og metallduojár arbeider i mindre handverksbedrifter og verkstader. Det kan vere sølvsmier, kunsthandverks- eller brukskunstbedrifter.

Ein horn- bein- og metallduojár produserer, reparerer og vedlikeheld tradisjonelle og nye produkt i horn, bein og metall. Nokre eksempel er knivar, hornslirer, skinnskraper, grindvevar, skytlar, skeier, koftespenner, belteknappar og smykke. Horn-, bein og metallduojáren utviklar også nye produkt i eit urfolksperspektiv.

Sentrale arbeidsområde er

• framstilling av duodjiprodukt i horn, bein og metall også i kombinasjon med kvarandre og med skinn, lær, delemna i treet, stein og andre materiale
• omarbeiding, samansetjing og bruk av råvarer etter samiske kulturtradisjonar og nye produksjonsmetodar
• utvikling av handverksferdigheiter og materiallære
• framskaffing, lagring, sortering og deling av horn og bein
• formgiving, gravering og overflatebehandling av horn og bein
• omarbeiding og overflatebehandling av metallegeringar og metall
• vedlikehald og reparasjon
• laging og vedlikehald av enkle handverktøy
• skisse- og detaljteikning
• val og grunngiving av form, materiale og ornamentering
• økonomi og forretningsutvikling
• utrekning av kostnader, pris og lønnsemd
• marknadsføring, sal og kundebehandling

Du bør ha godt handlag og god formsans.