Frisør, blomar, interiør og eksponeringsdesign

Ein profileringsdesignar lagar kommunikasjonsløysingar som omfattar profilering av bedrifter, reklame for produkt på transportmiddel og fasadar og generell informasjonsskilting.

Profileringsdesignarens daglege arbeid omfattar

• definisjon av mål og målgruppe og vurdering av konkurransesituasjonen
• utarbeiding av skisser, arbeids- og presentasjonsteikningar, manuelt og digitalt
• bruk av prinsipp for marknadskommunikasjon
• bruk av verkemiddel som form, farge, skrift, typografi, bilete og lys
• bruk av ulike materiale og produkt
• utforming av løysingsforslag i tråd med etiske normer
• produksjon og montering av profileringsprodukt
• trykking, printing, fresing og skjæring med maskinar og bruk av tilhøyrande programvare

Du bør vere kreativ, ha estetisk sans og kunne arbeide systematisk, sjølvstendig og i samarbeid med andre.